ပိုၼ်းၵႅပ်ႈ ၸဝ်ႈၶူး Dr. ပၺ်ႇၺႃႇၽေႃးၵ ႁိူင်းသႅင်

သႃသၼꩪꩡ ꩪမ်မႃၸရိယ၊ ပရိယတ်တိသၻ်ꩪမ်မပႃလ ꩪမ်မႃၸရိယ၊

ၸုမ်ႈၶူးဢႅမ်ႇဢေႇ Master of Arts (Buddhism, Kelaniya) PhD (Mahidol University)ၸုမ်ႈၶူးပႃႇရၵူႇ ၸၼ်ႉၸွမ်မႁိတူၼ်း မိူင်းထႆး

ၽူႈၵုမ်းၵၢၼ်ပၢႆးပၺ်ႇၺႃႇ၊ ၽူႈၵုမ်းႁူင်းတူၺ်းလိၵ်ႈ၊ ၶူးသွၼ်လႄႈ ႁူဝ်ၼႃႈၽၢႆႇလဵပ်ႈႁဵၼ်းပိတၵၢတ်ႈ တီႈၸၼ်ႉၸွမ်ပုတ်ႉထမိူင်းတႆး

Acting Dean, Director of SSBU’s Library & Lecturer, Head Department of Tipitaka Studies 

·  ၸႃႇတိတီႈၵိူတ်ႇ- ဝၢၼ်ႈသေႃႉ ပွၵ်ႉ(1)၊ ဢိူင်ႇဝၢၼ်ႈသေႃႉ တူင်ႇဝဵင်းမိူင်းသူႈ မိူင်းတႆး
ပွတ်းၸၢၼ်း၊

·  ၸိုဝ်ႈပေႃႈမႄႈ- ပူႇလွႆဝႃႇလိင်ႇ+ၼၢႆးလွႆႁိူင်းၸိင်ႇ၊

·  ပီၵိူတ်ႇ- (ဝၼ်းထိ 7-2-1977) ပီၵေႃးၸႃႇ 1337 ၶု၊ လိူၼ်သၢမ်လွင်ႈ 5 ၶမ်ႈ၊ ဝၼ်းၽတ်း၊ 

·  ပီႈၼွင်ႉ- မီးပီႈၼွင်ႉႁူမ်ႈတွင်ႉၵၼ် 6 ၵေႃႉ၊ ပဵၼ်ၵေႃႉထူၼ်ႈထိ 5၊ ယိင်း 3 ၵေႃႉ ꩡၢႆး 3 ၵေႃႉယဝ်ႉ။ ၼႂ်းပီႈၼွင်ႉႁူၵ်းၵေႃႉၼၼ်ႉ  (1) ၼၢင်းလူႇ (2) ပီႈသူး (ႁွင်ႉ) ၸၢႆးသၢင်ႇသု၊ (3)ၼၢင်းပွႆး (ႁွင်ႉ) ၼၢင်းၶမ်းမူဝ် (လုပီ 2003)၊ (4) ၸၢႆးမိၼ်ႉ (5) ၸၢႆးပၢၼ်းၸိင်ႇ၊ (6) ၼၢင်းၼုမ်ႇ။ ၶၢဝ်းတၢင်းၵၢၼ်ႁဵၼ်းပရိယတ်ႉတိၼႂ်းမိူင်း ၼွၵ်ႈမိူင်းဝၢႆးပဵၼ်သၢင်ႇယဝ်ႉ သိုပ်ႇယူႇတီႈၵျွင်းဝၢၼ်ႈသေႃႉ လႆႈဝႃႇၼိုင်ႈသေ ၸင်ႇလႆႈ ၵႂႃႇႁဵၼ်းလိၵ်ႈတီႈ
ဝဵင်းႁၢႆးႁူဝ်း၊ တူင်ႇဝဵင်းၵၢတ်ႇလေႃႉ (ၵလေႃး) ယူႇယဝ်ႉ။ ယူႇတီႈ ဝဵင်းႁၢႆးဝူဝ်း လႆႈသွင်ပီသေ သိုပ်ႇၶၢႆႉၵႂႃႇတီႈဝတ်ႉထမ်ႈၸိတ်ႉတပႃႇလ ဝဵင်းၵျွၵ်ႉပတွင်းၼႂ်းတိူင်းမၼ်းတလေး။ ယူႇတီႈၵျွၵ်ႉပတွင်းလႆႈ (5) ပီသေ(1993-1997) သိုပ်ႇၶၢႆႉ ၵႂႃႇတီႈ ဝတ်ႉၵျၶတ်ႉဝၢႆး (ၵျွင်းမႆႉသၢင်းၶမ်း) တီႈဝဵင်းပႃႇၵိူဝ်(1997-1998)။ ယူႇတီႈ ပႃႇၵိူဝ် (2) ပီသေ သိုပ်ႇၶၢႆႉၵႂႃႇၸူး တိူၵ်ႈသွၼ်လိၵ်ႈလူင် မၸူဝ်းယဵင်ႇမႂ်ႇ တီႈဝဵင်း တႃႈလိူဝ်ႇ ဢၼ်မီးသင်ႇၶႃႇယူႇဝႆႉ တင်းၼမ်(3000) ၼၼ်ႉယူႇယဝ်ႉ(1999-2002)။ ယူႇတီႈတႃႈလိူဝ်ႇ (3) ပီသေ ယဝ်ႉꩡၼ်ႉၶူးထမ်ႇမႃႇၸရိယ။ ဝၢႆးသေယဝ်ႉ ထမ်ႇမႃႇၸ ရိယယဝ်ႉ ꧠိုၼ်းႁဵတ်းၶူးသွၼ် တီႈတိူၵ်ႈသွၼ်လိၵ်ႈမၸူဝ်းယဵင်ႇသေ ၸင်ႇလႆႈၶၢႆႉၵႂႃႇ ယူႇတႃႈၵုင်ႈ ပုၼ်ႈတႃႇႁဵၼ်းလိၵ်ႈဢဵင်းၵလဵတ်ႈလႄႈ သိုပ်ႇၶၢဝ်းတၢင်း ၵၢၼ်ႁဵၼ်း ၼွၵ်ႈမိူင်းယူႇယဝ်ႉ။ ၶၢႆႉတႃႈလိူဝ်ႇမႃးယူႇတီႈတႃႈၵုင်ႈ တီႈဝတ်ႉလေးၵျႃၼ်းၸၵ်ႉၵျႃႇဢဝ်ဝႃႇၸွမ်းၸဝ်ႈသြႃႇမိူင်းၵုတ်ႈ (ၼၼ်ႇတဝမ်ႇသ) ယူႇယဝ်ႉ။ ဝၢႆးဢွၵ်ႇဝႃႇမႃး ပီ 2003 လိူၼ်တီႇၸိမ်ႇပိူဝ်ႇၼၼ်ႉ လႆႈသိုပ်ႇၶၢဝ်းတၢင်းတႃႇႁဵၼ်းတၢင်းမေႃထႅင်ႈ တီႈ မိူင်းသီႇႁူဝ်ႇ။ ယူႇသီႇႁူဝ်ႇလႆႈ (3) ပီသေ ထိုင်မႃးပီ 2006 လိူၼ်ၼူဝ်ႇဝိမ်ႇပိူဝ်ႇၼၼ်ႉ လႆႈၵႂႃႇပိုၼ်ၽႄႈသႃႇသၼႃႇ တီႈမိူင်းၵူဝ်းရီးယႃးယူႇယဝ်ႉ။ ယူႇတီႈဝတ်ႉမိူင်းမၢၼ်ႈ ဢၼ်ၸဝ်ႈသြႃႇၸၼ်ႇတိမႃႇ(တၢင်ႉယၢၼ်း) တႄႇတင်ႈၼၼ်ႉလႆႈ (2) ပီသေ သိုပ်ႇၵႂႃႇ ပိုၼ်ၽႄႈသႃႇသၼႃႇ မိူင်းဢိၼ်ႇတူဝ်ႇၼီးသျႃး၊ တီႈဝတ်ႉꩪမ်ႇမတီႇပ၊ ဝဵင်းမႃႇလင်ႇ ပႃႇတု ဢၼ်မီးၸမ်ဝဵင်းလူင်သုရႃႇၽယ မိူဝ်ႈၼႂ်းပီ 2008 ၼၼ်ႉယူႇယဝ်ႉ။ ပီ 2009 ၼၼ်ႉ လႆႈမႃးသိုပ်ႇ ၶိုၼ်ႈႁဵၼ်းထႅင်ႈ တီႈမိူင်းထႆးယူႇယဝ်ႉ။ 

ႁဵၼ်းလိၵ်ႈလၢႆး လႄႈ တီႈယူႇလၢႆလၢႆတီႈ

· 1990-ၶိုၼ်ႈပဵၼ်သၢင်ႇပွၵ်ႈၵမ်းသွင် လဵပ်ႈႁဵၼ်းလိၵ်ႈတႆး၊ သၢင်ႇတိုင်းၵမ် လႄႈ    သင်ႇၶႃႇလေႃးဝႃႇတ
ၽၢႆႇတႆး (ၵျွင်းဝၢၼ်ႈသေႃႉ တူင်ႇဝဵင်ႈမိူင်းသူႈ)

· 1991-ဢွင်ႇၸၼ်ႉမူႇလ ယွင်ႈႁူၺ်ႇ (ဝတ်ႉသႃသၼဝိပုလ ၵၢင်ဝဵင်းႁၢႆးဝူဝ်း)

· 1992-ဢွင်ႇၸၼ်ႉဢၶျေႇပျူႉမူလ လူင်ပွင်ၸိုင်ႈ (ဝတ်ႉသႃသၼဝိပုလၵၢင်ဝဵင်း ႁၢႆးဝူဝ်း)

· 1993-ဢွင်ႇၸၼ်ႉဢွၼ်ႇ (ဝတ်ႉထမ်ႈၸိတ်တပႃလ ဝဵင်းၵျွၵ်ႉပတွင်း)

· 1994-ဢွင်ႇၸၼ်ႉၵၢင်  (ဝတ်ႉထမ်ႈၸိတ်တပႃလဝဵင်းၵျွၵ်ႉပတွင်း)

· 1995=1996 (တူၵ်းပီၼိုင်ႈ ပုၵ်ႉသႃႇပွၵ်ႈဝတ်ႉႁဝ်းတူၵ်းမူတ်း၊ သင်ႇၶႃႇမၢၼ်ႈ လႄႈ ၵလႃး မင်ႁူဝ်ၵၼ် ပီၼိုင်ႈ ႁၢမ်း 2 ပီ)

· 1997-ဢွင်ႇၸၼ်ႉလူင် (တိူၵ်ႈသွၼ်လိၵ်ႈၵျၶတ်ႉဝႆး ဝဵင်းပႃႇၵိူဝ်)

· 1998 ႁဵၼ်းပိုၼ်ႉထၢၼ်တႃႇၸၼ်ႉၶူး (တိူၵ်ႈသွၼ်လိၵ်ႈ ၵျၶတ်ႉဝႆးဝဵင်းပႃႇၵိူဝ်)

· 1999-ၸပ်းၵျၢမ်းၼိုင်ႈ ပႃႇရႃႇၸိၵၢၼ်ႇ (ထမ်ႇမပႃလ မၸူဝ်းယဵင်ႇမႂ်ႇတႃႈလိူဝ်ႇ)

· 2000-သီႇလၵ်ႉၶၼ်ႇ  (ထမ်ႇမပႃလမၸူဝ်းယဵင်ႇမႂ်ႇ တႃႈလိူဝ်ႇ)

· 2001-ထမ်ႇမသင်ႇၵၼီႇ (ထမ်ႇမပႃလ မၸူဝ်းယဵင်ႇမႂ်ႇ တႃႈလိူဝ်ႇ)

· 2002-ႁဵၼ်းလိၵ်ႈဢဵင်းၵလဵတ်ႈ (ဝတ်ႉတႆး လေးၵျႃၼ်းၸၵ်ႉၵျႃႇတႃႈၵုင်ႈ)

· 2003-ၵႂႃႇသီႇႁူဝ်ႇ တင်းၸဝ်ႈၶူးဝႃႇယႃႇမိၼ်တ၊ ဝႄႉမိူင်းထႆး (ၸဝ်ႈၶူး မႁႃႇသေႇ ၼ မႃးႁပ်ႉ) ပီႈၼၢင်း ၼၢင်းၶမ်းမူဝ် ႁွင်ႉ ၼၢင်းပွႆးလု။

· 2004-ၶိုၼ်ႈလိၵ်ႈဢဵင်းၵလဵတ်ႈ တီႈသီႇႁူဝ်ႇ (ပေႃႈလုသဵင်ႈၵၢမ်ႇသုတ်းမုၼ် တင်းပီႈၼၢင်း)

· 2005-ၶိုၼ်ႈၸၼ်ႉ ဢႅမ်ႇဢေႇ ၸၼ်ႉၸွမ်ၵေႇလႃႇၼီႇယ သီႇႁူဝ်ႇ

· 2006-ၵႂႃႇၵူဝ်းရီးယႃး ယူႇဝဵင်းသူဝ်း ၸွမ်းၸဝ်ႈသုၺႃႇၼ (သႅင်ႁူင်
မိူင်းၽူင်း)

· 2007-ယူႇၵူဝ်းရီးယႃး (ယူႇၵူဝ်းရီးယႃးၸွမ်းၸဝ်ႈၸၼ်ႇတိမႃႇ)

· 2008-ဢိၼ်ႇတူဝ်ႇၼီးသျႃး (မႃႇလင်ႇပႃႇတု သုရႃႇၽယ)

· 2009-မႃးမိူင်းထႆး ဢဝ်ဝႃႇတီႈၼမ်ႉထွင်းသိၵ်ႉၶႃႇလႆးၸၼ်ႉၸွမ်မႁိတူၼ်း

· 2010-2011-ဢဝ်ဝႃႇတီႈၼမ်ႉထွင်းသိၵ်ႉၶႃႇလႆး ၸၼ်ႉၸွမ်မႁိတူၼ်း (လုမ်းလႃး ၸဝ်ႈသုၶမ်းတႆး)

·  2012-ဢဝ်ဝႃႇဝတ်ႉဝေႇလုဝၼ်ႇ တူၼ်ႈတီး

·  2013-ဢဝ်ဝႃႇတီႈၼမ်ႉထွင်းသိၵ်ႉၶႃႇလႆး ၸၼ်ႉၸွမ်မႁိတူၼ်း

· 2014-ဢဝ်ဝႃႇၸိင်ႇၵပူဝ်ႇ လႄႈ လုမ်းလႃးၸဝ်ႈသြႃႇဝၸီႇပိၵ်ႉၸွမ်းၸဝ်ႈသြႃႇ သုၶမ်း

· 2015-ဢဝ်ဝႃႇဝေႇလုဝၼ်ႇ ဝဵင်းတူၼ်ႈတီးၶိုၼ်း မိူဝ်းလုမ်းလႃးၸဝ်ႈသြႃႇလူင် ဝိၸယ

· 2016-ဝတ်ႉထႆးၼရေးသုၼ် သႃလႃးယႃး ႁိမ်းၸၼ်ႉၸွမ်မႁိတူၼ်း   (လုမ်းလႃး ၸဝ်ႈၶူးလူင်တီႈ ၸိင်ႇၵႃႇပူဝ်ႇ) 

· 2017-ဢဝ်ဝႃႇတီႈၵုင်းထဵပ်ႈၵရိတ်သႃႇၶွၼ်ႊ

· 2018- မိူဝ်းၶိုၼ်းတူၼ်ႈတီး ပဵၼ်ၶူးသွၼ်တီႈၸၼ်ႉၸွမ်(SSBU) သွၼ် ဢၽိထမ်ႇမႃႇ  

· 2019 ဢဝ်ဝႃႇတီႈၸၼ်ႉၸွမ်ပဵၼ်ၶူးသွၼ် 

· ပီ(2019) လိုဝ်ႈဝႆႉ ၵၢၼ်ပူင်သွၼ်လိၵ်ႈ ၵွပ်ႇပိူဝ်ႈလူဝ်ႇၶတ်းၸႂ် တႃႇၸုမ်ႈၶူး ပႃႇရၵူႇ (PhD, Mahidol University)

· 2020-ယဝ်ႉၸုမ်ႈၶူးပႃႇရၵူႇတီႈၸၼ်ႉၸွမ်မႁိတူၼ်း မိူင်းထႆး ဝၼ်းထိ  (24-4-2020) ၵၢၼ်တူင်ႇဝိူင်းၵူၼ်း
ၵၢၼ်သႃႇသၼႃႇ ဢၼ်လႆႈၸွႆႈမႃး လၢႆလၢႆမိူင်း

· မိူဝ်ႈယူႇၵျွၵ်ႉပတွင်း- လႆႈဢဝ်ၸဝ်ႈသၢင်ႇတႆးၵႂႃႇဢၢပ်ႈပၼ်ၵူႈပီ၊

· တႃႈလိူဝ်ႇ- ပဵၼ်ၵႅမ်ၽူႈမၢႆၼႂ်းၸုမ်းသင်ႇၶႃႇတႆး တီႈတႃႈလိူဝ်ႇ၊

· တႃႈၵုင်ႈ- လႆႈၸွႆႈၵၢၼ်လိၵ်ႈလၢႆး ပိၼ်ႇလိၵ်ႈတီႈၸဝ်ႈသြႃႇမိူင်းၵုတ်ႈ၊

· သီႇႁူဝ်ႇ- လႆႈၸွႆႈၵၢၼ်ၶၢဝ်းတၢင်းသီႇႁူဝ်ႇ လႄႈ ၵႅမ်ႈႁူဝ်ၼႃႈသင်ႇၶႃႇတႆး တီႈမိူင်းသီႇႁူဝ်ႇ၊

· ၵူဝ်းရီးယႃး- ပွင်ၵၢၼ်သႃႇသၼႃႇ လႄႈ ဢဝ်ပုၼ်ႈၽွၼ်းႁေႃးတြႃး၊ ႁဵတ်းၶူး သွၼ်၊

· ဢိၼ်ႇတိယ- ၶဝ်ႈၸွႆႈၵၢၼ်မိူဝ်ႈပိုတ်ႇဝတ်ႉမႂ်ႇ ဝတ်ႉတႆးၵမ်ႇပေႃးၸၶူးဝႃးဝုၼ်း ၸုမ်ႉ လႄႈ ႁႃငိုၼ်းၵွင်ၵၢင်ပၼ် ပီ 2008၊ 

· ဢိၼ်ႇတူဝ်ႇၼီးသျႃး- ပဵၼ်ၶူးသွၼ်တီႈ ၶေႃးလဵၵ်ႉၶျ်  ၵေႇတရႃႇၸတ်ႉသ မႃႇလင်ႇ ပႃႇတု၊

· မိူင်းထႆး- ၸွႆႈၵၢၼ်လိၵ်ႈလၢႆး ပပ်ႉသႅင်သယၢမ်၊ ႁဵတ်းၶူးသွၼ် တီႈၼမ်ႉထွင်း သိၵ်ႉၶႃႇလႆး
ၸၼ်ႉၸွမ်မႁိတူၼ်း၊ ပူင်သွၼ်ပၼ်လၢႆးၶူၼ်ႉၶႂႃႉသင်ၶႃႇတႆး တီႈ ဝတ်ႉသႃႇထုပတိတ်ႇ၊
ၵုင်းထဵပ်ႈ၊ ၶဝ်ႈႁူမ်ႈပၢင်ၵုမ်ပုတ်ႉထသႃႇသၼႃႇလၢႆလၢႆတီႈ၊ ဢဝ်ပုၼ်ႈၽွၼ်း
လုမ်းလႃးၸဝ်ႈသြႃႇလူင် ၸိူဝ်းမႃးယူတ်းယႃ တူဝ်မိူင်းထႆး မိူၼ် ၼင်ႇၸဝ်ႈသြႃႇလူင်
ဝတ်ႉဝေႇလုဝၼ်ႇ တူၼ်ႈတီး၊ လုမ်းလႃးꩡဝ်ႈသြႃႇဝၸီႇပိၵ်ႉ ဢွၼ်ၵႂႃႇမိူင်းၸိင်ႇၵႃႇပူဝ်ႇ၊
ꩡဝ်ႈသုၶမ်းတႆး တႄႇၵႂႃႇၸိူဝ်းၼႆႉယဝ်ႉ။ လိူဝ်သေ ၼၼ်ႉ ယၢမ်းမိူဝ်ႈ တၵႃႇသတ်ႉထႃး
မႃးယႃတူဝ်ၵေႃႈ လႆႈၵႂႃႇၸွႆႈတင်းၼမ်ယူႇ ယဝ်ႉ။ မိူဝ်ႈၸဝ်ႈၶူးဝႃႇယမိၼ်ႇတ လူတ်ႉၶွမ်ႈလႄႈ
မႃးယႃတူဝ်တီႈၵုင်းထဵပ်ႈ၊ ၸဝ်ႈၶူး ဝိမလႃၽိပႃလ (လၢင်းၶိူဝ်း) မႃးယႃတူဝ်
ၶိုၼ်ႈႁူင်းယႃၸိူဝ်းၼၼ်ႉၵေႃႈ လႆႈၵႂႃႇ ပၼ်ႁႅင်းသူတ်ႇမုၼ်းပၼ် ၸိူဝ်းၼႆႉယူႇယဝ်ႉ။
လႆႈဢဝ်ၸဝ်ႈသြႃႇဝိလႃႇသ (ပၢင်လူၼ်ႇ၊ ထုင်ႉပူင်း) ၸဝ်ႈၶူးဝိတ်ႉၸႃႇၼၼ်ႇတ (ဝတ်ႉဢွင်ႇမင်ႇၵလႃႇ၊
ၵုၼ်ႁဵင်) မႃးယႃတူဝ် တင်ႈတႄႇဢဝ်တႃႈၵုင်ႈမႃးထိုင်တီႈ ၵုင်းထဵပ်ႈ တေႃႇပေႃး
မိူဝ်းၶိုၼ်းယူႇယဝ်ႉ။ 

· တီႈၸိင်ႇၵပူဝ်ႇ- ပုတ်ႈၸဝ်ႈၶူးဝႃႇယမိၼ်ႇတ  ဢဝ်ပုၼ်ႈၽွၼ်းႁေႃးတြႃးလႄႈပွင်ၵၢၼ်ဝတ်ႉ
ပီ2014 သေ လႆႈဢဝ်ဝႃႇပၼ်၊ လိူဝ်သေၼၼ်ႉလႆႈၶဝ်ႈႁူမ်ႈၵၢၼ်ၸွမ်းလၢႆလၢႆပီ၊ ပီၼႆႉ လႆႈလုမ်းလႃးၸဝ်ႈသြႃႇ ဝၸီႇပိၵ်ႉတီႈၸိင်ႇၵႃႇပူဝ်ႇ ၶၢဝ်းတၢင်းသီႇလိူၼ်၊ ၵမ်ႈၼမ်လႆႈဢွၼ်ၵႂႃႇႁူင်းယႃ National University Hospital (NUH)

· 2011- မလေးသျႃး-ၸွႆႈၶဝ်ႈႁူမ်ႈ မိူဝ်ႈပိုတ်ႇဝတ်ႉဢွၵ်ႉၸၽိူတ်ႉပုတ်ႉထဝိႁႃႇရ

·  မိူင်းမၢၼ်ႈ -ပၢင်ၵုမ်ၶွမ်ႇၽရႅၼ်ႉ တီႈၸၼ်ႇၸွမ်ထေႇရဝႃႇတ၊ ၽူႈမၢႆၸဝ်ႈၶူးလူင် 2006၊
ပၢင်ၵုမ်ၶွမ်ႇၽရႅၼ်ႉလိၵ်ႈလူင် ပွၵ်ႈၵမ်း (1) (2) (3) (4) (5) (6) တႃႈၵုင်ႈ၊ လၢႆးၶႃႈ၊ လႃႈသဵဝ်ႈ၊ တႃႈလိူဝ်ႇ၊ ပၢင်လူင်၊ ပၢင်ဢူလူင်၊ ပီ 2017 ၼၼ်ႉ မႃးလႆႈ ႁပ်ႉဢဝ် ပုၼ်ႈၽွၼ်း ပဵၼ်ၽူႈမၢႆ ၵူႈလွင်ႈလွင်ႈ ဢၼ်ၸတ်းႁဵတ်း
ပၢင်ၵုမ်ၶွၼ်ႇ ၽရႅၼ်ႉ လိၵ်ႈလူင်ၼၼ်ႉယူႇယဝ်ႉ။

· မိူင်းသူႈ- တူင်ႉၼိုင်ၸွႆႈထႅမ်တႃႇပီၵွၼ်းငိုၼ်း ၸွႆႈထႅမ်ၵူႈလွင်ႈလွင်ႈ၊ လေႃႇသွၼ်းၽြႃးသႅင်လႅင်
တေႃႇပေႃးလႆႈပၢင်းမိူဝ်းႁွတ်ႈထိုင်တီႈမိူင်းသူႈ၊ လုၵ်ႉဢဝ်တီႈ သုၽၼ်းပူးရီး မိူဝ်းထိုင်မိူင်းတႆး။

· ပၢင်လူင်- ၵႅမ်ၽူႈမၢႆ ငဝ်ႈငုၼ်းမုၵ်ႉၸုမ်းလူင်ႇသင်ႇၶႃႇၸိုင်ႈတႆး (တႃႇၼႂ်းမိူင်းထႆး)။

· ဝၢၼ်ႈသေႃႉ- ပဵၼ်ၸဝ်ႈၼႃႇယၵ ဝတ်ႉလူင်ဝၢၼ်ႈသေႃႉ၊ ပီ2022 တေႃႇထိုင် မိူဝ်ႈ လဵဝ် တိုၵ်ႉဢွၼ်ႁူဝ်သေ ၵေႃႇသၢင်ႈၵျွင်းၼႃႇယၵ တီႈဝၢၼ်ႈသေႃႉ တႃႇႁႂ်ႈပဵၼ်တီႈမၢႆတွင်း ယဝ်ႉၸုမ်ႈၶူး ပႃႇရၵူႇယူႇယဝ်ႉ။ တူင်ႉၼိုင်ၵၢၼ်လိၵ်ႈလၢႆး မိူဝ်ႈတိုၵ်ႉပဵၼ်လုၵ်ႈႁဵၼ်းယူႇတီႈ ပႃႇၵိူဝ် လႄႈ တႃႈလိူဝ်ႇၼၼ်ႉ လႆႈၵႂႃႇပဵၼ် ၶူးသွၼ် လိၵ်ႈတႆးၶၢဝ်းမႆႈ ၼႂ်းၼွင်ထုင်ႉႁၢႆးယႃႈ လႄႈ မိူင်းသူႈ၊ တၢင်ႉယၢၼ်း၊ မိူင်းယၢင်း ၼႂ်းမိူင်းၶၢင် (5) ပီထပ်းၵၼ်။ လႆႈတႅမ်ႈလိၵ်ႈႁွမ်တွမ်လူင်းၼႂ်း ၸဵင်ၶမ်းလႅင်း၊ ၶၢဝ်းတၢင်းသီႇႁူဝ်ႇ၊ သႅင်သယၢမ် မႃးလၢႆလၢႆပီ၊ ယၢမ်ႈၶပ်းၶိုင်ပပ်ႉ ဝၼ်းၵိူတ်ႇ ၸဝ်ႈသြႃႇမိူင်းၵုတ်ႈ (ၶၢဝ်းတၢင်းႁႃႈသိပ်းပီ)၊ ပပ်ႉလိၵ်ႈၽၢႆႇဢင်းၵိတ်ႉ ဝၼ်းၵိူတ်ႇ ၸဝ်ႈၶူးလူင်ထမ်ႇမသႃႇမိ၊ ပပ်ႉတီႈမၢႆတွင်းပိုတ်ႇၸၼ်ႉၸွမ်ပုတ်ႉထ မိူင်းတႆး၊ ပိၼ်ႇပပ်ႉပိုၼ်းသႃႇသၼႃႇ မိူင်းၵဵင်းတုင် လႄႈ ပိုၼ်းၸဝ်ႈသြႃႇ ထမ်ႇမေႃးတယ (ၵဵင်းတုင်)၊ ပပ်ႉတီႈမၢႆတွင်း ၽွင်းဝၼ်းၵိူတ်ႇ ပီၵွၼ်းၶမ်း (50) ပီတဵမ် ၸဝ်ႈၶူးလူင် တွၵ်ႉတိူဝ်ႇ ထမ်ႇမသႃႇမိ (ယႃႇပေႁႆႈ)၊ ပပ်ႉၵႅမ်မိုဝ်း ၸုမ်းၵုလသမၵ်ႉၵီႇ ဝဵင်းတူၼ်ႈတီး ၸိူဝ်းၼႆႉ ယူႇယဝ်ႉ။  

ပီ2020 ဢွၼ်ၼမ်းႁဵတ်းပပ်ႉၸဝ်ႈၶူးဝိတ်ႉၸႃႇၼၼ်ႇတ (ၶၢဝ်းတၢင်းတုပီႈမွၵ်ႇၵီႈ ႁူင်ႈၸဝ်ႉ)။ လိူဝ်သေၼၼ်ႉ လႆႈဢဝ်ပုၼ်ႈၽွၼ်းၸွႆႈထႅမ် ၽိုၼ်လိၵ်ႈ ၶၢဝ်းတၢင်း သီႇႁူဝ်ႇ လႄႈ သႅင်သယၢမ်ယူႇယဝ်ႉ။ 

ၸုမ်ႈၶူးဢၼ်ယဝ်ႉမႃး ၸုမ်ႈထမ်ႇမႃႇၸရိယ ၽၢႆႇမၢၼ်ႈ၊ ၽၢႆႇတႆး

(1)   သႃသၼꩪꩡꩪမ်မႃၸရိယ 2002

(2)  ပရိယတ်တိသၻ်ꩪမ်မပႃလꩪမ်မႃၸရိယ၊ 2000

(3) ၸုမ်ႈၶူးဢႅမ်ႇဢေႇ Master of Art (Buddhism)  ၸၼ်ႉၸွမ်ၵေႇလၼီႇယ မိူင်းသီႇႁူဝ်ႇ၊ 2005

(4)  ၸုမ်ႈၶူးပႃႇရၵူႇ (PhD) တီႈၸၼ်ႉၸွမ်မႁိတူၼ်း မိူင်းထႆး 2020။
: 2020PhD in Buddhist Studies 

တီႈယၢမ်ႈပဵၼ်ၶူးသွၼ်မႃး

ယၢမ်းပဵၼ်ၶူးသွၼ်ပၢင်သွၼ်လိၵ်ႈတႆးၶၢဝ်းမႆႈ

·  ၼွင်ႁၢႆးယႃႈ ၸေႈဝဵင်းယွင်ႈႁူၺ်ႇ 

·   တၢင်ႉယၢၼ်း၊

·   တီႈမိူင်းယၢင်းမိူင်းၶၢင်၊ 

·   ဝၢၼ်ႈသေႃႉတူင်ႇဝဵင်းမိူင်းသူႈ 

·   ႁၢႆးပႃတူင်ႇဝဵင်းမိူင်းသူႈ၊ လႆႈပိုတ်ႇပၢင်သွၼ် ၸွမ်းလၢႆလၢႆၸဝ်ႈ ႁႃႈပီထပ်းၵၼ်လုမ်းလုမ်းယူႇယဝ်ႉ။ 

·   ၶူးသွၼ်-တိူၵ်ႈသွၼ်လိၵ်ႈမၸူဝ်းယဵင်ႇမႂ်ႇ ဝဵင်းတႃႈလိူဝ်ႇ။

·    ၶူးသွၼ်-တီႈမိူင်းၵူဝ်းရီးယႃးၸၢၼ်း ဝဵဝ်းသူဝ်းလ်။

ၶူးသွၼ်-ၸၼ်ႉၸွမ် ၵေဢရႃႇၸတ်ႉသ မၢင်ႇလင်ႇပႃႇတု မိူင်းဢိၼ်ႇတူဝ်ႇၼီးသျႃး။

• ၶူးသွၼ်-သွၼ်ဢင်းၵိတ်း လုၵ်ႈႁဵၼ်းမႁိတူၼ်း တီးၼမ်ႉထွင်းသိၵ်ႉၶႃႇလႆး မႁိတူၼ်း ။
• တႄႇဢဝ်ပီ(2018) တေႃႇထိုင် မိူဝ်ႈလဵဝ် (2022)
  ပဵၼ်ၶူးသွၼ်ၵထိၵ ၽၢႆႇဢၽိထမ်ႇမႃႇ လႄႈ ပႃႇလိႁူမ်ႈပႃးပဵၼ်ၶူးသွၼ် ၽၢႆႇဢင်းၵိတ်ႉယူႇ ယဝ်ႉ။
• တႃႇတေလႆႈၸုမ်ႈၶူးပႃႇရၵူႇၼၼ်ႉ ꩡဝ်ႈၶူးႁဝ်းလႆႈလဵပ်ႈႁဵၼ်း ၶူၼ်ႉၶႂႃႉၽိုၼ် လိၵ်ႈ ဢၽိထမ်ႇမႃႇ ဢၼ်ၵဝ်ႇၵေႇ ၽိုၼ်ၼိုင်ႈ ၸိုဝ်ႈဝႃႈ “သၸ်ၸသင်ၶေပ”၊ လုၵ်ႉ တီႈပႃႇလိ ၽိုၼ်ငဝ်ႈမၼ်းသေ ပိၼ်ႇပဵၼ်ၽႃႇသႃႇဢင်းၵိတ်း၊ သပ်းလႅင်းတီႈၵႂၢင်ႈ မၼ်းသေ ယဝ်ႉႁူမ်ႈပႃး တႅၵ်ႈတူၺ်းလၢႆလၢႆမူႇ မိူၼ်ၼင်ႇမူႇမၢၼ်ႈ၊ ထႆး၊ သီႇႁူဝ်ႇ၊ ဢင်းၵိတ်ႉ ၸိူဝ်းၼႆႉသေ ၶိုၼ်းမႄးထတ်းပႃႇလိၶိုၼ်းၵေႃႈပႃးဝႆႉၼၼ်ႉယဝ်ႉ။ ၽိုၼ် လိၵ်ႈၼႆႉ ပဵၼ်ၽိုၼ်ဢၼ်ဢဝ်တၢင်ႇတႃႇလႆႈၸုမ်ႈပီႇဢဵၵ်ႉၶျ်တီႇၼၼ်ႉယဝ်ႉ။

ၼႃႈၵၢၼ်တီႈၸၼ်ႉၸွမ်ပုတ်ႉထမိူင်းတႆး

တင်ႈတႄႇမိူဝ်ႈပိုတ်ႇၸၼ်ႉၸွမ်(2016) ပဵၼ်ႁူဝ်ၼႃႈ ၽၢႆႇတိတ်းတေႃႇ ၼွၵ်ႈမိူင်း လႄႈ ၽူႈၶဝ်ႈၸုမ်းၵေႃႇတင်ႈၸၼ်ႉၸွမ်ပုတ်ႉထမိူင်းတႆး။

2018- ထုၵ်ႇယုၵ်ႉယွင်ႈပဵၼ် ႁူဝ်ၼႃႈၽၢႆႇလဵပ်ႈႁဵၼ်း ပိတၵၢတ်ႈ (3) ၵွင် လႄႈ ပဵၼ်ၶူးသွၼ် ဢၽိထမ်ႇမႃႇ။ Head Department of Tipitaka Studies, SSBU 

2021 ထုၵ်ႇယုၵ်ႉယွင်ႈပဵၼ် ႁူဝ်ၼႃႈၽၢႆႇႁူင်းတူၺ်းလိၵ်ႈ။ Director of SSBU’s Library 2022- ထုၵ်ႇယုၵ်ႉယွင်ႈပဵၼ် ၵႅမ်ႁူဝ်ၼႃႈ ၽၢႆႇပၢႆးပၺ်ႇၺႃႇ
(မဟာဌာနမှူး) Acting Dean of Shan State Buddhist University 

ပဵၼ်ၽူႈၶဝ်ႈၸုမ်းၼႃႇယၵၽၢႆႇဢုပ်ႉပိူင်ႇ ၸၼ်ႉၸွမ်ပုတ်ႉထမိူင်းတႆး လႄႈ ၽၢႆႇႁေႃးတြႃး တီႈၸၼ်ႉၸွမ်ပုတ်ႉထမိူင်းတႆးသေ ပွင်ၵၢၼ်သႃႇသၼႃႇ မီးယူႇတီႈ ၸၼ်ႉၸွမ်ပုတ်ႉထမိူင်းတႆးယူႇယဝ်ႉ။ members of Nayaka of SSBU in administration affair

ပၢႆးဝူၼ်ႉသုၼ်ႇတူဝ်ႇ

ၵၢၼ်ႁဵၼ်းလိၵ်ႈၼႆႉ လူဝ်ႇႁဵၼ်းႁႂ်ႈမေႃႇပွင်ႇၸႅင်ႈလႅင်းၸႂ်၊

ဢမ်ႇၵိုင်ႇလီဢဝ်ၸုမ်ႈၶူးပဵၼ်ယႂ်ႇ၊ သူင်ဢဝ်တၢင်းႁူႉလႄႈ
လွင်ႈမီးၼမ်ႉၵတ်ႉပဵၼ်ယႂ်ႇ၊

ဢမ်ႇမေႃႇလႄႈ ႁဵတ်းၵႅင်ႈမေႃ၊ ဢမ်ႇႁူႉလႄႈႁဵတ်းၵႅင်ႈႁူႉၼၼ်ႉ
မၼ်းၸၢင်ႈတုမ်ႉတိူဝ်ႉ ၵၢၼ်သၢင်ႈၼမ်ႉၵတ်ႉၼေႃႇတႅၼ်းၶိူဝ်းႁဝ်းမိူဝ်းၼႃႈ။

ၵူၼ်းၵေႃႉလဵဝ်ႁႂ်ႈႁူႉၵူႈဢၼ် တေဢမ်ႇပဵၼ်လႆႈ၊ ၵွပ်ႈၼၼ်
ၵိုင်ႇလီမီးလွင်ႈၼပ်ႉယမ် ဢၼ်ပိူၼ်ႈႁူႉသေ ဢၼ်ႁဝ်းဢမ်ႇႁူႉၼၼ်ႉယူႇ။